Bo tawata sa cu tur tratamento medico tin riesgo pa bo salud? Si, asina mes. Esaki ta bon conoci den literatura medico bou di e nomber di: malesanan iatrogenico. E palabra aki ta un manera tecnico pa bisa cu e mesun medicina a causa un daño na e salud di un pashent. E por ta algo temporal, permanente of por hasta causa morto di e patient.
Pero esey kiermeen cu nos mester alarma? No mesora, pasobra e riesgo tey semper den cada tratamento medico. Hasta un simpel test di sanger por tin un efecto negativo, pa motibo cu e hangua por causa lesion interno. E riesgo nunca por wordo evita, pero si limita!
Con? Door di ta bon informa di e ‘pro y contra’ di un tratamento. E dokter of dunador di cuido tin e obligacion di splica con grandi e riesgo aki ta den bo caso, cu bo condicion di salud specifico.
E ta bo derecho pa puntra y haña splicashon. Bo dokter por bisabo cu e chens ta chikito, pero esey no kiermeen cu bo no mag ni mester keda sin puntra. Estadistica por bisa berdad cu e riesgo ta chikito pa complicacion, pero corda cu bo ta un persona unico y no un cifra. Bo tin e derecho pa puntra tocante e riesgo di e tratamento medico y si tin alternativanan cu menos riesgo. Asina bo por tuma un mihor desicion door di considera tur e informacion cu bo dokter ta dunabo. Como persona nos ta digno di haña un trato medico humano na e momento cu nos mester di dje como pashent. Esaki ta nos derecho.
Bo salud, bo derecho.
Seminario Derecho di Patient, 28 november 2018.