Dia 1 di oktober ta dia internacional di hende grandi. Esaki ta un dia yama pa Nacionan Uni pa enfoca riba e reto nan cu hende grandi ta enfrenta. Un di e reto nan aki ta e derecho como patient. Segun un hende ta crece e ta bira mas dependiente di otro hende y instancianan pa haña cuido. E dependencia aki ta bin door di e situacion fisico, emocional y e desaroyo mental di cada persona cu ta envehece. Na Hulanda hende grandi ta wordo concidera como un grupo vulnerabel. P’esey mas atencion mester wordo duna na hende grandi, vooral como patient.
Asina ta cu un dokter tin e obligacion di scucha mas ainda un hende grandi y controla si esaki ta compronde e tratamento cu e dokter ta propone. Ta na su lugar pa acompaña un hende grandi como persona di confiansa na un momento asina. E persona di confiansa por ta un yiu of un ser keri. E persona aki tambe mester ta na altura di kico ta e derechonan como patient pa asina yuda e hende grandi tuma e decisionnan corecto y haña suficiente informacion pa haci esaki.
SIKI ta conmemora e dia internacional di hende grandi y alabes ta empeña pa reforsa e comunidad cu un seminario tocante derecho di patient. E seminario aki ta ideal pa tur hende grandi y nan famia cu kier sa kico ta nan derecho como patient. Click ariba e link aki riba y asisti e curso aki. Sea bon prepara, salud ta den nos man, awe y te den nos ultimo dianan. Cu nos hende grandinan por disfruta di dje dignamente.
