Cos no a bai bon na dokter. Bo ta rabia, fada y gewoon no satisfecho. Bo no ta contento y keda sin haci nada no ta un opcion. Ki paso bo por tuma?
Pa cuminsa pensa prome kico bo kier logra:
- Haña e cuido cu bo no a haña ainda
- Haña un disculpa sincero di bo dokter of otro dunador di cuido
- Haña husticia
- Haña placa (compensacion).
Pa e prome meta bo por yena un formulario di keho y entrega esaki na un comision. Den e proceso aki un funcionario (klachtenfunctionaris) por intermedia y yuda bo yega na remedi of tratamento cu falta. Esaki por ta na AZV tambe.
Un disculpa sincero por wordo haña door di puntra bo dokter pa esaki of via un comision di keho.
Husticia por wordo haña door di entrega un keho na e asina yama ‘Medisch tuchtcollege’. E tribunal aki lo dicta si un dokter a actua corecto. Den caso extremo Ministerio Publico y huez tambe por haci esaki.
Placa no por reemplaza ni cumpra tur cos, pero tin biaha e por ta e instrumento di mas apropia. Esaki ta na e momento cu a keda handicap despues di un operacion of por prueba cu tin daño cometi na e pashent.
Despues di dicidi e meta lo cuminsa e proceso apart di e meta ey. Fundacion SIKI lo elabora mas riba cada un despues.
Bo salud, bo derecho.
Mehora bo calidad di bida